Монголын эмэгтэйчүүдийн холбоо Монголбанктай хамтран санхүүг…
2020 оны 09 сарын 23
Ч.Ганжавхлан:Талийгаач охины ээж архаг хүчирхийллийн хохирог…
2020 оны 09 сарын 23
Газар хөдлөлт Монгол иргэдэд хохирол учруулаагүй
2020 оны 09 сарын 22
ЭМЯ: Коронавирусийн халдварын тохиолдол нэгээр нэмэгдлээ
2020 оны 09 сарын 22
48 улсаас 10654 иргэн эх орондоо ирэх хүсэлт гаргажээ
2020 оны 09 сарын 22
Есдүгээр сарын 22-25-ны өдрүүдэд цахилгааны хязгаарлалт хийг…
2020 оны 09 сарын 22
Монголын эмэгтэйчүүдийн холбоо Монголбанктай хамтран санхүүг…
2020 оны 09 сарын 21
Иргэн Б.Болороогийн нөхрийг хохироосон гэх үндэслэлээр нэг ж…
2020 оны 09 сарын 18
О.Солонго: Ханиад бүрэн эдгээгүй, бусад товлолт вакцин хийлг…
2020 оны 09 сарын 18
Хоёр настай хүүхдийг цахимаар бүртгэж эхэллээ
2020 оны 09 сарын 18
"Эмчлэгдээд буцсан франц иргэн нутагтаа очоод шинжилгээ өгөх…
2020 оны 09 сарын 16
Засгийн газрын хуралдаанаас цахим гав хэрэглэх шийдвэр гарга…
2020 оны 09 сарын 16
БНХАУ-ын Гадаад хэргийн сайд өнөөдөр төрийн өндөрлөгүүдэд ба…
2020 оны 09 сарын 16
Монголд байх хугацаа нь дууссан иргэдийн визийг аравдугаар с…
2020 оны 09 сарын 16
Маргаашаас эхлэн Монгол-Японы хамтарсан эмнэлэг зэрэг 13 бай…
2020 оны 09 сарын 16
Д.Нямхүү: Давтагдсан тоогоор нийт 59,208 хүнд коронавирус ил…
2020 оны 09 сарын 15
"ДЭМБ-аас манай улсад коронавирусийн вакцин нийлүүлэх асууда…
2020 оны 09 сарын 15
Хоёр настнуудын цэцэрлэгийн бүртгэл өнөөдөр эхэлнэ
2020 оны 09 сарын 15
Засгийн газар: Хоёр настай хүүхдийг цэцэрлэгт хамруулж, гэри…
2020 оны 09 сарын 14
Өнгөрсөн шөнө 38 хүн угаартаж, эмнэлэгт хүргэгджээ
2020 оны 09 сарын 14
УОК-оос сургууль, цэцэрлэгүүдийг энэ сарын 21-нээс хэвийн го…
2020 оны 09 сарын 14
Тайланд, Индонез гэх мэт улсаас интернетээр цахим худалдан а…
2020 оны 09 сарын 14
ЭМЯ: Эмчлүүлж буй дөрвөн хүний биеийн байдал хүндэвтэр байна
2020 оны 09 сарын 14
Н.Төгсцогт “Монгол Үндэстэн Монгол хэл бичиг үүрд” гэсэн бич…
2020 оны 09 сарын 14
Хэсэгчилсэн өндөржүүлсэн бэлэн байдлын зэргийг сунгах эсэхий…
2020 оны 09 сарын 14
Зууны 100 эмэгтэй: Гэрэл олж харсан, гэрэлтсэн цагаан сувд Д…
2020 оны 09 сарын 11
Монголын эмэгтэйчүүдийн холбоо Цагдаагийн байгууллагатай хам…
2020 оны 09 сарын 10
Коронавирус: Дэлхий дахинд 24 цагийн хугацаанд 203 мянган хү…
2020 оны 09 сарын 09
Хүүхдийн 1,072 хувьцааны ногдол ашгийг ebarimt системд бүртг…
2020 оны 09 сарын 09
Т.ЭНХЗАЯА: Энэ сарын сүүлээр томуугийн вакцин хийгдэж эхэлнэ
2020 оны 09 сарын 09
СУДАЛГАА: 25-39 насны хүн амын дунд ажиллах хүчний оролцооны…
2020 оны 09 сарын 08
Улаангом хотод Эмэгтэйчүүдийн хөгжлийн төв нээлтээ хийлэ…
2020 оны 09 сарын 07
ЭМЯ: 604 сорьцод шинжилгээ хийхэд коронавирус илрээгүй байна…
2020 оны 09 сарын 07
Өнөөдөр баруун аймгуудын нутгийн зарим, зүүн аймгуудын нутги…
2020 оны 09 сарын 07
1,072 хувьцаа эзэмшигч хүүхдүүд ногдол ашгаа хэрхэн авах вэ?
2020 оны 09 сарын 07
Увс аймагт "Соёлыг түгээе" аян зохион байгуулагдана
2020 оны 08 сарын 27
СЭТГҮҮЛЧ БОЛ ХҮНИЙ ЭРХИЙГ ХАМГААЛАГЧ ЮМ
2020 оны 08 сарын 26
Баян-Өлгий аймагт "Соёлыг түгээе" аян зохион байгуулагдана
2020 оны 08 сарын 26
“ОРОЛЦООНЫ ХЯНАЛТ ШИНЖИЛГЭЭ, ҮНЭЛГЭЭ БОЛОН ОЛОН НИЙТИЙН МЭДЭ…
2020 оны 08 сарын 26
Ц.Ганзориг: Нийслэлийн сургуулиуд 9-р сарын 21-нээс хэвийн г…
2020 оны 08 сарын 26
Нийгмийн халамжийн үйлчилгээг цахимаар хүргэнэ
2020 оны 08 сарын 26
Сурвалжлага: Хүүхэлдэй “амилуулагч” Л.Уранцэцэг
2020 оны 08 сарын 25
Сонгинохайрхан дүүргийн 1071 эх “Эхийн алдар” одон хүртэв
2020 оны 08 сарын 24
Сурагчийн дүрэмт хувцас 90-150 мянган төгрөгийн үнэтэй байна
2020 оны 08 сарын 19
Өмнөговь аймагт "БИ-ГЭРТЭЭ" төсөл хэрэгжүүлж байна
2020 оны 08 сарын 18
Сэрэмжлүүлэг!
2020 оны 08 сарын 18
 “БҮСГҮЙ ЦЭЦЭГ” үзэсгэлэнгийн нээлт боллоо
2020 оны 08 сарын 14
Эртэч Урантогос
2020 оны 07 сарын 02
Б.Энхжаргал: Эхлээд чанар, дараа нь ашиг
2020 оны 07 сарын 01
Цайгаар анагаагч
2020 оны 07 сарын 01
ЗӨӨЛӨН ХҮЧ /Хөрөг нийтлэл/
2020 оны 06 сарын 30
 “БҮСГҮЙ ЦЭЦЭГ” үзэсгэлэнгийн нээлт боллоо
2020 оны 08 сарын 14
Монголын эмэгтэйчүүдийн холбоо Монголбанктай хамтран санхүүг…
2020 оны 09 сарын 21
Ч.Ганжавхлан:Талийгаач охины ээж архаг хүчирхийллийн хохирог…
2020 оны 09 сарын 23
1,072 хувьцаа эзэмшигч хүүхдүүд ногдол ашгаа хэрхэн авах вэ?
2020 оны 09 сарын 07
13 эмэгтэй гишүүнээс хүүхэд, эмэгтэйчүүдийг хүчирхийлэхийн э…
2020 оны 06 сарын 29
Зууны 100 эмэгтэй: Гэрэл олж харсан, гэрэлтсэн цагаан сувд Д…
2020 оны 09 сарын 11
“Нандин гоёо” урлаач
2020 оны 07 сарын 01
Сэрэмжлүүлэг!
2020 оны 08 сарын 18
Өмнөговь аймагт "БИ-ГЭРТЭЭ" төсөл хэрэгжүүлж байна
2020 оны 08 сарын 18
Цайгаар анагаагч
2020 оны 07 сарын 01
Эртэч Урантогос
2020 оны 07 сарын 02
Б.Энхжаргал: Эхлээд чанар, дараа нь ашиг
2020 оны 07 сарын 01
Сурагчийн дүрэмт хувцас 90-150 мянган төгрөгийн үнэтэй байна
2020 оны 08 сарын 19
Монголын эмэгтэйчүүдийн холбоо Цагдаагийн байгууллагатай хам…
2020 оны 09 сарын 10
Ц.Ганзориг: Нийслэлийн сургуулиуд 9-р сарын 21-нээс хэвийн г…
2020 оны 08 сарын 26
Сонгинохайрхан дүүргийн 1071 эх “Эхийн алдар” одон хүртэв
2020 оны 08 сарын 24
Сурвалжлага: Хүүхэлдэй “амилуулагч” Л.Уранцэцэг
2020 оны 08 сарын 25
Нийгмийн халамжийн үйлчилгээг цахимаар хүргэнэ
2020 оны 08 сарын 26
СЭТГҮҮЛЧ БОЛ ХҮНИЙ ЭРХИЙГ ХАМГААЛАГЧ ЮМ
2020 оны 08 сарын 26
Баян-Өлгий аймагт "Соёлыг түгээе" аян зохион байгуулагдана
2020 оны 08 сарын 26
Улаангом хотод Эмэгтэйчүүдийн хөгжлийн төв нээлтээ хийлэ…
2020 оны 09 сарын 07
Увс аймагт "Соёлыг түгээе" аян зохион байгуулагдана
2020 оны 08 сарын 27
"Эмчлэгдээд буцсан франц иргэн нутагтаа очоод шинжилгээ өгөх…
2020 оны 09 сарын 16
“ОРОЛЦООНЫ ХЯНАЛТ ШИНЖИЛГЭЭ, ҮНЭЛГЭЭ БОЛОН ОЛОН НИЙТИЙН МЭДЭ…
2020 оны 08 сарын 26
СУДАЛГАА: 25-39 насны хүн амын дунд ажиллах хүчний оролцооны…
2020 оны 09 сарын 08
Т.ЭНХЗАЯА: Энэ сарын сүүлээр томуугийн вакцин хийгдэж эхэлнэ
2020 оны 09 сарын 09
Өнөөдөр баруун аймгуудын нутгийн зарим, зүүн аймгуудын нутги…
2020 оны 09 сарын 07
Хүүхдийн 1,072 хувьцааны ногдол ашгийг ebarimt системд бүртг…
2020 оны 09 сарын 09
Коронавирус: Дэлхий дахинд 24 цагийн хугацаанд 203 мянган хү…
2020 оны 09 сарын 09
ЭМЯ: 604 сорьцод шинжилгээ хийхэд коронавирус илрээгүй байна…
2020 оны 09 сарын 07
Хоёр настнуудын цэцэрлэгийн бүртгэл өнөөдөр эхэлнэ
2020 оны 09 сарын 15
Иргэн Б.Болороогийн нөхрийг хохироосон гэх үндэслэлээр нэг ж…
2020 оны 09 сарын 18
УОК-оос сургууль, цэцэрлэгүүдийг энэ сарын 21-нээс хэвийн го…
2020 оны 09 сарын 14
Засгийн газар: Хоёр настай хүүхдийг цэцэрлэгт хамруулж, гэри…
2020 оны 09 сарын 14
О.Солонго: Ханиад бүрэн эдгээгүй, бусад товлолт вакцин хийлг…
2020 оны 09 сарын 18
"ДЭМБ-аас манай улсад коронавирусийн вакцин нийлүүлэх асууда…
2020 оны 09 сарын 15
ЭМЯ: Эмчлүүлж буй дөрвөн хүний биеийн байдал хүндэвтэр байна
2020 оны 09 сарын 14
Н.Төгсцогт “Монгол Үндэстэн Монгол хэл бичиг үүрд” гэсэн бич…
2020 оны 09 сарын 14
Өнгөрсөн шөнө 38 хүн угаартаж, эмнэлэгт хүргэгджээ
2020 оны 09 сарын 14
Тайланд, Индонез гэх мэт улсаас интернетээр цахим худалдан а…
2020 оны 09 сарын 14
Хэсэгчилсэн өндөржүүлсэн бэлэн байдлын зэргийг сунгах эсэхий…
2020 оны 09 сарын 14
Д.Нямхүү: Давтагдсан тоогоор нийт 59,208 хүнд коронавирус ил…
2020 оны 09 сарын 15
БНХАУ-ын Гадаад хэргийн сайд өнөөдөр төрийн өндөрлөгүүдэд ба…
2020 оны 09 сарын 16
Маргаашаас эхлэн Монгол-Японы хамтарсан эмнэлэг зэрэг 13 бай…
2020 оны 09 сарын 16
Засгийн газрын хуралдаанаас цахим гав хэрэглэх шийдвэр гарга…
2020 оны 09 сарын 16
Монголд байх хугацаа нь дууссан иргэдийн визийг аравдугаар с…
2020 оны 09 сарын 16
Монголын эмэгтэйчүүдийн холбоо Монголбанктай хамтран санхүүг…
2020 оны 09 сарын 23
Хоёр настай хүүхдийг цахимаар бүртгэж эхэллээ
2020 оны 09 сарын 18
Газар хөдлөлт Монгол иргэдэд хохирол учруулаагүй
2020 оны 09 сарын 22

Хайрыг түгээгч LHAMOUR

Хайрыг түгээгч LHAMOUR

LHAMOUR брэндийг үүсгэн байгуулагч Д.Хулан

“Монголын эмэгтэйчүүд” сэтгүүлийн “Бизнес эрхлэгч” булангийн энэ удаагийн дугаарт өөрийн гал тогооноос бизнесээ эхлүүлж, өдгөө Монголдоо төдийгүй олон улсад бүтээгдэхүүний чанар, стандартаар тэргүүлж буй LHAMOUR брэндийг үүсгэн байгуулагч ДАВААДОРЖИЙН ХУЛАН-г урьж ярилцлаа.

Тэрээр АНУ-ын Колумбын их сургуулийг олон улсын сэргээгдэх эрчим хүчний менежмент, Английн Формула Ботаника сургуулийг органик гоо сайхны чиглэлээр сурч төгссөн бөгөөд 2014 онд “Lhamour” брэндээ үүсгэн байгуулж, 2015 онд анхны бүтээгдэхүүн болох 100 хувь байгалийн гаралтай түүхий эдээр хийсэн ванны бөмбөг, гурван төрлийн уруул өнгөлөгч, нүүр гарын савангаа зах зээлд гаргасан юм. Анх ажлаа ганцаар эхлүүлж байсан бол өдгөө 45 хүний бүрэлдэхүүнтэй, 60 орчим органик гоо сайхны бүтээгдэхүүн үйлдвэрлэж, гурван нэрийн дэлгүүртэй болохын сацуу Хонконг, Тайланд, Тайвань, АНУ, Австрали, Кувейт, Энэтхэг зэрэг улс руу экспортолж байна.

-Юун түрүүнд жилийн ойгоо ёслол төгөлдөр, амжилттай тэмдэглэсэнд баяр хүргэе. Таван жилийн хугацаанд та болоод танай компани хэр их ажлыг амжуулсан бэ?

-Анх сайхан мөрөөдөхөөс өөр юмгүй л эхэлж байлаа. Тухайн үед таван жилийн дараа ийм, тийм болно гэсэн төлөвлөгөө, бодол, төсөөлөл ч байгаагүй. Эхний гурван жил амралт, баярын өдөргүй шаргуу ажилласны хүчээр олон ч ажлыг амжуулсан гэж боддог. Ганц хүнтэй эхэлсэн компани маань 45 хүнтэй, 60 гаруй бүтээгдэхүүн  үйлдвэрлэдэг үйлдвэртэй, гурван нэрийн дэлгүүртэй болж өргөжсөн. Дан ганц гоо сайхны үйлдвэр, брэнд гэлтгүй эрүүл мэндэд тустай бүтээгдэхүүн үйлдвэрлэж хэрэглэгчдэдээ санал болгож байна. Таван жилийн дотор бүтээгдэхүүн үйлдвэрлэлээс илүүтэй инновацийг бий болгосон. Ялангуяа Монголынхоо “онцгой” түүхий эдийг олон улсад хүлээн зөвшөөрөгдсөн түүхий эдтэй хослуулж өөрийн гэсэн патенттай, олон улсад дахин давтагдашгүй бүтээгдэхүүнийг хийж чадсан гэж боддог. Бид Монгол орны онцлог давуу талаа ашиглан сарлаг, ямааны сүү, чацаргана, нохойн хошуу, ганга, халгай зэрэг түүхий эдийг бүтээгдэхүүнийхээ орц найрлагад оруулж арьсны асуудалтай, харшилтай, хэт хуурай арьстай, эксим, диатизтай хүмүүст зориулсан эцсийн бүтээгдэхүүн болгож чадсан нь маш том амжилт юм. Энэ нь олон улсад зөвхөн манай байгууллагыг сурталчлахаас илүүтэй Монгол улс байгалийн гаралтай түүхий эдтэй, байгальтайгаа ойр гэдэг ойлголтыг хүмүүст түгээдэг. Монголд чанартай, цогц зүйлийг хийж чаддаг юм шүү гэдгийг харуулахыг хичээсэн. Зөвхөн бүтээгдэхүүн гэхээс илүүтэй бүтээгдэхүүний чанар, үйлчилгээ, арьсны асуудалд шийдэл олох бүтээгдэхүүн гаргах, өөрийн гэсэн өнгө аястай, олон улсын зах зээлд санаа болгож болохоор брэнд бүтээхэд түлхүү анхаарсан. Ингэж сууриа тавьсны дараа хоёр жилийн өмнө Хонг Конг руу анхны экспортоо эхлүүлсэн. Үүний дараа экспорт нэмэгдэж, одоогоор долоон улс руу бүтээгдэхүүнээ нийлүүлж байна. Манай бүтээгдэхүүний хэрэглэгчид бидний дистрибютир болсон нь олон улсад түүх болж, олон улсын хэвлэл мэдээллээр ч гараад амжсан. Тухайн бүтээгдэхүүнийг хэрэглээд, өөр дээрээ туршиж, амьдралаа тухайн бүтээгдэхүүн бо­лоод брэнд, компанидаа зориултал нь нөлөөлж чадсан нь бидний хувьд бахархал юм. Ойрын хугацаанд бүтээгдэхүүнээ Япон улс руу гаргахаар шаргуу ажиллаж байна.

Түүний гаргасан амжилтууд:

•     Монгол улсын үйлдвэрлэлийн салбарын тэргүүн, 2017 он

•     Монголын 2017 оны шилдэг дэбют экспортлогч

•     Forbes 30 under 30 шалгаруулалтад багтсан FORBES, Монгол улс, 2017 он

•     LHAMOUR - Дэлхийн шилдэг 100 нийгмийн хариуцлагатай гарааны бизнесийн жагсаалтад багтсан http://socialenablers.co/ se100/, АНУ, 2017 он

•     АНУ-ын засгийн газраас шалгарч, шилдэг 20 залуу эмэгтэй манлайлагчаар тодорсон 

•     LHAMOUR - Шилдэг гарааны бизнес, Unready.today, Монгол Улс, 2016 он

•     LHAMOUR - Азийн шилдэг хариуцлагатай жижиг, дунд бизнес, Сингапур улс, 2016 он

•     LHAMOUR - Азийн шилдэг энтрепренёр, Тайвань улс, 2016 он

•     Оны шилдэг энтрепренёр, Худалдаа аж үйлдвэрийн танхим 2015 он

•     Оны шилдэг шинэ жижиг, дунд үйлдвэр, Аж үйлдвэрийн яам 2015 он

•     Оны шилдэг сав баглаа боодолтой брэнд, Гадаад хэргийн яам, Худалдаа аж үйлдвэрийн танхим 2015 он

•     Колумбиа их сургуульд суралцах Julius Blocker 100% тэтгэлэг, 2011

•     National Honor Society шагнал, Швейцар 2005 он

•     Хүмүүнлэгийн ажлын өргөмжлөл, 2004, Софиа хот, Булгар

-Гадаад руу экспорт хийхэд бичиг баримтаас эхлээд хүндрэлтэй зүйл олон тохиолддог гэж бизнес эрхлэгчид ярьдаг. Ялангуяа гоо сайхны бүтээгдэхүүн бол хүнсний бүтээгдэхүүнтэй адил чанар, стандартыг бүрэн хангасан байх ёстой. Стандарт болоод бичиг баримт бүрдүүлэлтэд хүндрэл гарч байв уу. Тэдгээр хүндрэлийг хэрхэн зохицуулсан бэ?

-Ер нь экспорт хийх хэцүү. Гэхдээ анхнаасаа бүх зүйлээ шат дараатай, олон улсын стандартын дагуу зөв хийчихвэл хүндрэл бага. Бид олон улсын стандартын дагуу нэг л бүтээгдэхүүн хийдэг. Харин тухайн улс руу импортлоход шаардагдах бичиг баримт нь өөр өөр байдаг болохоор цаг хугацаа алдах тал бий. Жишээ нь, бид Энэтхэг рүү экспортоо эхлүүлэх гэж бараг жил хагасыг зарцуулсан. Манайх гадаад руу экспортлогддог гоо сайхны бүтээгдэхүүний бараг 90-ээд хувийг хариуцаж байна.

-Тэгвэл бүтээгдэхүүнээ экспортолж чадахгүй байгаа компаниуд олон улсын стандартын дагуу хийгээгүй. Энэ нь тэдний алдаа гэж хэлж болох нь ээ.

-Ямар ч бүтээгдэхүүн өөрийн гэсэн стандарттай. Стандартыг нь алдагдуулбал чанаргүй бүтээгдэхүүн гарна, экспортолж чадахгүй. Мэдээж Монголдоо хэдэн төгрөг олохын тулд стандартгүй зүйл хийж болно. Гэхдээ энэ урт хугацаандаа сайн зүйл биш. Тиймээс анхнаасаа л стандартын дагуу бүх зүйлээ хийх хэрэгтэй. Ер нь стандарт гэдэг зүйл зүгээр бий болоогүй. Хамгийн түрүүнд хүний аюулгүй байдлыг хангах ёстой. Ялангуяа хүний эрүүл мэндтэй холбоотой, арьсанд хүрэхээр зүйл бол стандартаа барих нь хамгийн чухал.

-Ямар төрлийн бүтээгдэхүүн голчлон хийдэг вэ. Түрүүн та харшилтай хүмүүст зориулсан тос бий гэсэн. Бүтээгдэхүүнийхээ нэр төрлийг дэлгэрүүлбэл.

-Хөлийн тос, биеийн гуужуулагч, тосноос эхлээд нүүрний тос, үсний тос гэх мэт бие арчилгааны бүтээгдэхүүнүүд бий. Хүний эрүүл мэндэд шаардлагатай, өдөр тутамдаа хэрэглэхүйц, арьсных нь онцлогт тохируулсан, ялангуяа хуурай арьстай хүмүүст зориулсан бүтээгдэхүүнүүд байгаа. Хэрэв химийн найрлагатай бүтээгдэхүүн хэрэглэвэл харшилтай хүний харшил сэдэрдэг. Харин манай бүтээгдэхүүн элдэв үнэр, өнгөгүй, байгалийн гаралтай бүтээгдэхүүн учраас харшилтай хүн хэрэглэхэд арьсанд нь тэжээл өгч, харшил нь нэмэгдэхгүй, сэдрэхгүй, загатнаа нь багасах, эрүүл мэндэд тустай, тэжээл өгөх органик гоо сайхны бүтээгдэхүүн юм. Түүнээс эмчилгээний бүтээгдэхүүн биш.

-Компанийнхаа нэрийг тайлбарлавал.

-Би нэг ахтай, эхээс хоёулаа. Ахынхаа охины нэрээр компаниа нэрлэсэн. LHAMOUR нь Lhamo+Аmore бөгөөд энэ хоёрыг нийлүүлж олон улсад дахин давтагдашгүй, онцгой нэр өгөхийг хүссэн юм. Lhamo нь ахын минь охины нэр, харин Аmore нь Францаар хайр. Манай компани “Бизнесээрээ дамжуулж хүмүүст өөрийгөө хайрлах, бусдыг хайрлах, эх дэлхийгээ хайрлах” философийг түгээхийг хичээдэг. Өөрийгөө хайрлана гэдэг нь эрүүл мэнд болоод өөртөө анхаарах, өөртөө зориулж эрүүл бүтээгдэхүүн худалдан авах, эрүүл байх мэдлэгээ нэмэгдүүлэх, хөгжүүлэх гээд бүх зүйл багтана. Харин бусдыг хайрлана гэхээр бусдад мэдлэг, эрүүл бүтээгдэхүүн түгээх юм. Удирдлагын хувьд компанидаа бий болгож буй үнэт зүйлээ бусдыг хайрлаж буйн нэг илрэл юм. Жишээ нь, эмэгтэйчүүдийг эрт тарааж, тогтмол ажлын байраар хангах гэх мэт. Эх дэлхийгээ хайрлана гэдэг нь бид дахин боловсруулсан цаас хэрэглэж, 100 хувь хаягдалгүй үйлдвэрлэл явуулж, дэлгүүртээ хог хаягдалгүй булан бий болгосон зэрэг нь эх дэлхийгээ хайрлаасай гэж хүмүүсийг уриалж буйн илрэл юм.

-Таны хувьд шинэ бүтээгдэхүүний санаа, шошго, загвар гээд бүгдийг өөрөө хийдэг гэсэн. Шинэ санаагаа хаанаас олдог вэ?

-Би өөрөө эмзэг, харшилтай арьстай учраас эхний 30-40 бүтээгдэхүүнээ яг өөрийн мэргэжлийн, би юу хийж чаддаг, өөртөө юу хийхийг хүсэж байна  түүний дагуу хийсэн. Явцын дунд байнгын, олон хэрэглэгчтэй болж, тэдний зүгээс бидэнд юу хүсэж байгаагаа бичих, цаашлаад гэр бүлийнхэнд нь юу шаардлагатай байгаа гэх мэтээр ханддаг болсон.

-Үндэсний бүтээгдэхүүн, тэр дундаа гоо сайхны бүтээгдэхүүнийг жирийн Монгол эмэгтэй санаачлан, ганцаараа өдий зэрэгт хүргэчихлээ. Энэ хугацаанд алдсан, оносон зүйл олон байгаа байх.

-Өмнө нь бизнес хийж үзээгүй, дэмжих хүнгүй, мөн зааж сургах компани ч Монголд байхгүй болохоор үндсэндээ алдаанаасаа суралцаж, өөрийгөө сайжруулаад явдаг. Алдаа гэхээс илүү бэрхшээл өдөр бүр тулгардаг.

-Бэрхшээл тулгарахад хэрхэн даван туулдаг вэ. Хэн нэгэнтэй уулзаж, зөвлөлдөх ч юм уу?

-Би хүмүүстэй бэрхшээлийнхээ талаар ярилцдаггүй. Нэгдүгээрт, миний бэрхшээл бусдад хамааралгүй, хоёрдугаарт түрүүн хэлсэнчлэн зааж зөвлөх, мэдэх хүн байхгүй. Гуравдугаарт, хувийн туршлага гэж байх ёстой. Тиймээс би тухайн нөхцөл байдалдаа тааруулан зөв бодлуудаа цэгцэлдэг, мэддэг бол мэдлэгээ ашиглана, мэдэхгүй бол бизнесийн холбогдолтой материал, ном уншдаг.

-Ижил бүтээгдэхүүн хийдэг хүмүүс холбогдож зөвлөгөө, тусламж хүсдэг үү?

-Ер нь их холбогддог. Бид өөрсдөө хүртэл “Ванны бөмбөлөг хэрхэн хийх вэ?” сургалтыг 3-4 удаа хийсэн. Тус сургалтаас үүдэлтэй бизнесээ эхлүүлсэн хүмүүс ч олон бий. Гэхдээ зарим хүн арай давруу хандлага гаргадаг бөгөөд тэр нь бизнесийн ёс суртахуунд нийцсэн зүйл биш юм. Дийлэнх нь бизнес гэдэг талаас ойлгодоггүй. Манай байгууллагын хувьд анхны ванны бөмбөлөг, уруул өнгөлөгчийг хийсэн болохоор тусламж хүссэн хүмүүст аль болох чадлаараа тусалдаг. Хааяа бүр дэндүү нээлттэй байдаг.

-Та бүхний тусламжийг буруугаар ашиглаж, танай бүтээгдэхүүнийг хуулбарласан тохиолдол бий юу?

-Тийм тохиолдол олон бий, байсаар ч ирсэн, байсаар ч байгаа. Харамсалтай нь ийм тохиолдолд Монгол улсад ямар ч арга хэмжээ аваад нэмэргүй юм билээ. Бид эвээр ярих гэж үзсэн, бүр сүүлдээ хуулийн байгууллагаар явах гэж ч үзсэн. Харин одоо тоохоо байсан. Хэн нэгэн дуурайж байгаа бол бид зөв зүйл хийж буйн илрэл юм байна хэмээн боддог. Монголд ямар ч бизнес хийх хэцүү.

-Төрөөс жижиг, дунд бизнес эрхлэгчдэд тусламж тун ховор, бараг байхгүй гэхэд болох байх. Бизнес  эрхлэгч хүний хувьд төр засгаас ямар дэмжлэг нэн тэргүүнд шаардлагатай байна вэ?

-Бид огт төргүйгээр 5 жил өөрсдийгөө болгосон. Төрийн зүгээс саад болно уу гэхээс дэмжлэг үзүүлдэггүй. Татварын орчин маш хэцүү байна. Хэрвээ бидний төлсөн татвар Монгол улсад ч юм уу, манай ажилчдад эргээд өгөөжөө өгдөг бол төлөхөд ямар ч асуудалгүй. Гэтэл орчин нь дарамттай, өгөөж багатай ийм үед зовж олсон хэдэн төгрөгөө зөв зарцуулагдахгүй зүйлд өгөхөөр хэцүү байдаг. Ер нь хууль эрх зүйн орчин хэзээ хэрхэн өөрчлөгдөх нь мэдэгдэхгүй маш хэцүү. Төр бодлогыг л бий болгох хэрэгтэй. Харин бодлого нь зөв зохистой орчныг бий болгоно. Хэрвээ тэгж чадвал бусад жижиг зүйлсийг бид өөрсдөө зохицуулаад, чадлаараа хийгээд явж байна.

-Монголчууд дэлхийд урлаг, спортоор амжилт гаргаж, танигдаж эхэллээ. Үндэсний үйлдвэрлэлийн хувьд “Говь” компанийн ноолуур дэлхий дахинд сайшаагдаж чадсан. Бизнес эрхлэгч, үйлдвэрлэгч хүний нүдээр гадаад руу экспортлох боломжтой өөр ямар бүтээгдэхүүн байна вэ?

-Бүх зүйлийг гадагш гаргах боломжтой. Миний хувьд Монголд боломж хязгааргүй харагддаг. Бид дан ганц гоо сайхны бүтээгдэхүүн үйлдвэрлээд зогсохгүй эрүүл амьдралын хэв маяг руу орж байна. Тухайлбал, бусадтай хамтарч жамц давсан гэрэл, дахин боловсруулсан сагсан бүтээгдэхүүн зэргийг хийдэг. Тэр бүхнийг олон улсад гаргавал хамтрагчдын маань ч бизнес өргөжнө. Тиймээс бодож төлөвлөсөн зүйл их бий. Миний хувийн зүгээс дахин нэг компани байгуулж, өөр зүйл хийхээр төлөвлөчихсөн байгаа.

-Таны хамгийн хайртай бүтээгдэхүүн.

-Бүтээгдэхүүн бүр хэн нэг хэрэглэгчийн амьдралыг өөрчилдөг болохоор бүгдэд нь хайртай. Тэр дундаа нүүрний суурь тоснууддаа илүү хайртай. Эдгээр бүтээгдэхүүн маань олон улсад ч нэлээд амжилт олсон, том том сэтгүүлд  гарч байсан. Мөн нүүрний серум бол миний гурван жилийн судалгаа, туршилт гээд бүх зүйл бэлэн болсны дараа гарсан бүтээгдэхүүн. Асар их цаг хугацаа орсон болохоор хайртай бүтээгдэхүүний маань нэг. Гэхдээ бид сэтгэлээ шингээж хийдэг учраас бүх бүтээгдэхүүндээ хайртай. Шинэ бүтээгдэхүүнээ бэлэн болмогц "Шинэ хүүхэд мэндэллээ" гэж хэлдэг.

-Бүтээгдэхүүн гарахад олон дамжлага дамждаг байх. Ажил үүргийн хуваарилалтаа хэрхэн хийдэг вэ. Тухайлбал, яг үйлдвэрт хэдэн хүн ажиллаж байна вэ?

-Үйлдвэрт 15 орчим хүн ажилладаг бөгөөд бүгд эмэгтэйчүүд ажилладаг гэдгээрээ онцлог. Бид түүхий эдээ боловсруулахаас эхлээд бүх зүйлээ гар аргаар хийдэг. Савлагааны бантикаа хүртэл өөрсдөө хийдэг. Ажлаа л сайн хийж байвал нас, хүйс харгалзахгүй сургаад авдаг. Хамгийн гол нь хандлага, нямбай байдлыг нь хардаг. Манай байгууллагын соёл бол нээлттэй, хүнийг хөгжүүлэх, хүний төлөө байх юм. Бид дөнгөж төгссөн хүүхдийг ч сургаад авдаг, тэтгэвэрт гарсан хүн ч  ажилладаг. Манай компани Монгол улсад тогтвортой хөгжил, эрүүл хүнийг бий болгох, эрүүл бүтээгдэхүүнийг хүмүүст түгээхийг зорьж ажиллаж байна. Эрүүл бүтээгдэхүүн түгээж байгаа болохоор ажиллаж байгаа хүмүүс нь эрүүл байх хэрэгтэй. Мөн бид хувь хүний хөгжлийн сургалтыг тогтмол хийдэг. Иймэрхүү төрлийн зүйл Монгол улсад дутмаг мэт санагддаг. Тиймээс манайд ажилласан хүн ажлын салбарт ч, хувь хүн талаасаа ч өөрийгөө хөгжүүлээд явах боломжтой.

-Үнэхээр сайхан сонсогдож байна. Өнөөгийн нийгэмд хамгийн дутагдаад байгаа хандлага бол энэ. Дийлэнх албан байгууллага ажилчдаа гэсэн сэтгэлгүй, цаг наргүй ажиллуулахыг л боддог мэт. Ялангуяа эмэгтэйчүүд ажил, гэр гэлтгүй маш завгүй ажиллаж байна.

-Манай байгууллага ажилчдаа нэг цаг ч илүү  ажиллуулдаггүй, яг цагт нь тараадаг. “Хотын түгжрэлээс өмнө хүүхдүүдээ цэцэрлэг, сургуулиас нь авна” гэсэн ажилчдынхаа хүсэлтээр ажлын цагаа 08:00-17:00 цаг болгож өөрчилсөн. Компани гэдэг нас биед хүрсэн хүний дийлэнх хугацаагаа өнгөрүүлдэг газар учраас хоёр дахь гэр бүл гэж үздэг. Тиймээс аль чадлаараа компаниас нь дэмжээд өгвөл  хувийн амьдралаа зохицуулахад нь илүү дөхөм юм.

-Эмэгтэйчүүдийг дэмжиж ажилладаг тань бахархууштай санагдлаа. МЭХ ч мөн эмэгтэй хүн бүрийн эрхийн төлөө дуу хоолойгоо хүргэж ажиллахыг эрхэм зорилгоо болгодог. Таны хувьд МЭХ эмэгтэйчүүдийн төлөө ямар үйл ажиллагаа хийж, тэдний төлөө ажиллаасай гэж бодож байна вэ?

-МЭХ-г бусад төрийн бус байгууллагаас илүү хүчирхэг гэж боддог. Тэр ч утгаараа өргөн цар хүрээтэй зүйл хийх боломжтой. Ялангуяа эмэгтэйчүүдийн ажлын байр, хүчирхийлэлтэй холбоотой асуудалд бодлогоор анхаарал хандуулах хэрэгтэй. Хүчирхийлэл Монголд арай л дэндүү байна. Мөн охид руу чиглэсэн сургалт маш чухал юм болов уу. Охид шилжилтийн насанд хүрэхдээ мэдлэгтэй, хүчирхэг, өөрийн гэсэн бодолтой байвал ирээдүйд зөв ээж, хүчирхэг эмэгтэй болж чадна.

-Хувийн амьдралынх нь талаар сонирхмоор байна. Гэр бүлийнх нь хүн ойлгож, дэмжихгүй бол Монголд эмэгтэй хүн амжилтад хүрэхэд хэцүү мэт.

-Анхны хүүхдээ өлгийдөн авах гэж байна. Гэр бүлийн хүн маань бас хувиараа бизнес эрхэлдэг. Ажил ихтэй үедээ танилцсан болохоор түүгээр минь мэддэг. Ирээдүйд намайг юу хийхээр төлөвлөж байна, ямар бодолтой, юуны төлөө явж байгааг минь ойлгодог учраас намайг маш ихээр дэмжиж, миний бүх зүйлийг ойлгодог. Жирэмсэн үед маань хүргэж өгнө, авна, хоол хийнэ, маш халамжтай. Гэрийнхэн маань ч намайг, компанийн үйл ажиллагааг минь ч маш сайн дэмжиж, ойлгодог.

-Багадаа ямархуу хүүхэд байв. Нэлээд хөдөлгөөнтэй охин байсан уу?

-Би 3 настайдаа Герман явсан. Миний бага нас, сургуульд сурах бүх үйл явц Европт өрнөсөн. Бараг хоёр жил тутам нүүдэг нүүдэлчин амьдралтай байлаа. Хамгийн сүүлд Америкт магистраа хамгаалаад Монголдоо ирсэн дээ. Нийт 20 гаруй жил гадаадад амьдарсан. Ер нь нэлээд идэвхтэй, бүх зүйлийг хийх гэж оролддог, хийдэг хүүхэд байсан. Ээж минь намайг олон зүйл хийж үзээсэй гэж янз бүрийн дугуйланд хамруулдаг байлаа. Би ч түүндээ дуртай. Сургууль дээрээ хамгийн идэвхтэй нь, үзээгүй, оролдоогүй юм гэж бараг байхгүй. Бас эршүүд талдаа, эрэгтэй хүүхдийн дуртай зүйлд дурладаг хүүхэд байсан. Миний хувьд нүүрээ будаж, үсээ янзалдаггүй, гоёж гангалдаггүй, ерөнхийдөө минимал хүн. Хүмүүс гоо сайхны салбарт ажилладаг болохоор нэлээд эмэгтэйлэг гэж боддог байх. Би машинд дуртай, машины компанид хүртэл ажиллаж байсан. Аялах, уул, хаданд авирах, хип хоп дуу сонсох дуртай.

-Хүн бүрд санаанаас нь гардаггүй дурсамж гэж байдаг. Таны амьдралд эмэгтэй хүнтэй холбоотой амьдралд тань тохиолдсон дурсамжит мөч бий юу?

-Эмэгтэй хүнтэй холбоотой гэвэл дурсамж гэхээс илүү ээжийнхээ талаар л яримаар байна. Өнөөдрийн намайг бүтээсэн хүн бол миний ээж. Ээж минь боловсрол бол номер нэг гэж үргэлж сургасаар ирсэн. Мөн эмэгтэй хүн өөрийн гэсэн үзэл бодол, зорилго, мөрөөдөлтэй байх ёстой хэмээдэг нь бусад эмэгтэйчүүдэд түгээх чухал чанар гэж боддог. Тиймээс бүх эмэгтэйчүүд бусад бүсгүйчүүдээ хүчирхэг байлгаасай, дэмжээсэй. Ялангуяа ээжүүд охиддоо тийм зүйлийг заагаасай гэж би хүсдэг.

-Монголд эмэгтэй хүн амжилтад хүрэх хэцүү. Ялангуяа эмэгтэй хүн шийдвэр гаргах түвшинд хүрэх нь ховор. Гарлаа ч тэдний үг, үйлдэл бүрийг нийгмээрээ шүүмжилдэг. Нийгэмд тогтсон хэвшмэл ойлголт, эмэгтэй хүнийг дарах гэсэн хандлагыг яаж өөрчлөх вэ?

-Энэ уламжлалаас үүдэлтэй. Ер нь бидний түүхтэй шууд холбоотой. Эмэгтэйчүүд  хүчирхэг боловч яг шийдвэр гаргах түвшинд эрэгтэй хүн оччихдог. Бид наад зах нь ярианаасаа эхлэх хэрэгтэй. Тухайлбал, мундаг эмэгтэй байвал муухан эрээс дээр, төвөгтэй эрэгтэй хүн бол хүүхэн шиг гэдэг ч юм уу. Миний бодлоор залуучууд л үүнийг өөрчилж чадах байх. Нөгөө талаар өнөөдрийг хүртэл үлгэр дуурайлал авахуйц эмэгтэй цөөхөн байсан. Гэхдээ бас бусад улс шиг дарангуйлал манайд байхгүй. Тиймээс эмэгтэйчүүд маань охидод үлгэр дуурайлал болохыг хичээх  хэрэгтэй. Түүнээс эрэгтэйчүүдийг өөрчилнө гэдэг маш хэцүү.

-Ярилцлагынхаа төгсгөлд бизнес эрхлэгч эмэгтэйчүүд болоод охидод зөвлөгөө, урмын үг хайрлавал.

-Би залуу хүн, бас охинтой болох гэж буй эх хүний хувьд өөрийнхөө охинд хэлэх бүхнийг бусад охидод хэлмээр байна. Тэр нь юу вэ гэхээр "Өөрийнхөөрөө л бай". Өөрийн гэсэн хүсэл мөрөөдөл, зорилготой, түүнийхээ төлөө тэмцэж чаддаг байх хэрэгтэй. Хэрвээ тэгж чадвал аливаа зүйл Монголоор хязгаарлагдахгүй болсон. Өөрийгөө хөгжүүлэх, харуулах, хүсэл мөрөөдөлдөө хүрэх асар их боломж 21-р зуунд байна. Хэзээ ч өөртөө нас, хүйс, хаанаас ирсэн, ямар гэр бүлтэй гэдгээр хязгаар хийж болохгүй. Хэн ч чиний төлөө явахгүй. Ганц л амьдрах учраас зоригтой байх хэрэгтэй. НҮДЭЭ НЭЭГЭЭД, ЗҮРХЭЭ НЭЭЧИХВЭЛ ЮУГ Ч ХИЙЖ, АМЖУУЛЖ БОЛНО. Аливаа зүйлд хязгаар гэж байхаа больсон мэт надад санагддаг.

-Нээлттэй ярилцсанд баярлалаа. Амжилтын дээдийг хүсээд дэлхийн брэнд болоосой гэж ерөөе.

 

Сэтгүүлч Л.Булганчимэг



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Copyright @ 2019 womenofmongolia.mn All rights reserved.